صرخة لتحرير المرأة

يسعدنى ان اول موضوع أكتبه يكون خاص ببنى جنسى وغير ده كمان موضوع غاية فى الأهمية والكثير من الكتاب كتب عنه واستفاض فيه ألا وهو تحرير المرأة.
أنا النهاردة هكتب وجهة نظرى أنا واللى انا شيفاه فى واقع مجتمعنا الكريم..انه رغم كثرة الدعاة وأنصار تحرير المرأة والجمعيات التى تأسست من اجل تحرير المرأة والحقوق اللى قدرت تاخدها المرأة بعد شن الحرب على الرجال ،واجتياحها مجالات كثيرة وتربعها على عرش مناصب لم تكن تحلم بها ..رغم كل ده أنا شايفه انها لسه مأخدتش حقها الحقيقى الكامل ووضعها الطبيعى.

لذلك فانا
ّّ أطالب بتحرير المرأة تحرير كامل واعطائها كافة حقوقها ّّّّّّّ
طبــعــــــــــــــــــــــــــــــــــــاً

الرجال والنساء من ذوى العقول المنيرة هيقولوا عليا فعلا بنت مجنونة ..تحرير مرأة ايه اللى عايزة تطالبى به ؟؟ هي المرأة لسه باقى ايه ماتحررتش منه ؟؟
وعايزة تحرريها من ايه؟؟(دى اصبحت مالطى مالطى الا من رحم ربى)
وياترى ايه هو حقها الحقيقى ووضعها الطبيعى؟؟
وعلى أساس انها وراء القضبان الحديدية وانها محبوسة فى قفص بتطالبى بتحريرها؟؟
دى المراة اجتاحت كل المجالات وكل المناصب وتساوت مع الرجل فى كل شئ مش باقى غير انها تغير النوع فى البطاقة من أنثى لذكر!!!
طيب ممكن نسيب التساؤلات لآخر الموضوع ونتناقش فيها ..واحدة واحدة اسمعوا الكلام وبلاش اندفاع

اولاً : أنا مش من اتباع السيد الجليل فاسد أمين ،والست ضلالة شعراوى،والحاجه نوال الحزناوى..يوووووووووووه قصدى(قاسم امين وهدى شعراوى ونوال السعداوى) ومن هم على شاكلتهم من دعاة وانصار التحرير من الجيل القديم والحديث ..دعاة وانصار السفور والفساد ونشر اللا أخلاق والدعوة الى الانحلال وترك الدين.

ثانياً: انا أكره التقليد الأعمى للحضارة الغربية ومواكبة الموضة والعصر دون النظر الى ما يتناسب ويتماشى معنا كمسلمين ..معلش أنا راجعية ومتخلفة ولا أحب الاضواء ولا مواكبة التطور والتكنولوجيا كما يزعم دعاة السفور والفسق .

ثالثا : تعلم المرأة مهم جدا لها لمعرفة أمور دينها وتثقيفها وتدرك ما يحيط بها من أحداث وبذلك تثمر لنا جيل يعتمد عليه من المتعلمين والمثقفين..

رابعا : اطالب بتحرير المرأة قلبا وقالبا من السفور والانحطاط والامتهان والانحلال هذا هو شعارى أريد تحرير المرأة من تحرير المرأة

صرخه اوجهها لكل أخت
لا تكونى إمعة ..لا تكونى إمعة ..لا تكونى إمعة وقولى لانصار ودعاة التحرير:
لست لكم غضوه عنى طرفكم ***** من عاش بالقيعان تتعبه القمم
لست لكم _والله قدرى فوقكم ***** ليس الغزال بقدره مثل الغنـم

تعالوا بقى نشوف المرأة فى المجتمعات والاديان الاخرى ونقارن بين حالها وحال المرأة المسلمة لان حسن الاشياء لا يبدوا الا بأضدادها

* المجتمع الجاهلي وقبل الاسلام كانت نظرته ايه للمرأة ؟
قال سيدنا عمر رضى الله عنه:"والله إنا كنا فى الجاهلية ما نعد للنساء أمراً حتى أنزل الله فيهن ما أنزل ،وقسم لهن ما قسم"
وأد البنات عند ولادتهن فى الجاهليه .

* الديانة البوذية يقول المؤرخ( وستر مارك):"فى نظر البوذيين أن جميع النساء كالمصيدة وضعن لاغواء وفتنة الرجال وهذا الاغواء هو الذى يعمى أفكار العالم"

* المجتمع الهندى كانت النساء فى المجتمع الهندى تنزل منزلة الاماء وكان الرجل يخسر امرأته فى القمار واذا مات صارت كالموؤدة لا تتزوج وتكون هدف الإهانات والتجريح وكانت أمة فى بيت زوجها المتوفى وقد تحرق نفسها إثر وفاة زوجها تفادياً من عذاب الحياة وشقاء الدنيا.

* الحضارة الرومانية سلبت المرأة جميع حقوقها فهى محرومة من كل حقوقها المدنية والقانونيه والأخلاقيه والاجتماعية والمالية.

* أما فى اليهودية فالمرأة أثناء حيضتها نجسة وكل ما تلمسه نجس ولذلك يعزلونها بعيداًعنهم ويرون ان كل ما يفعله الرجل من اعمال لا أخلاقيه مرده الى المرأة.

* وفى النصرانية فالمرأة هى الباعثة على خطيئة آدم ولذا فإن الفضيلة لديهم هى الفرار منها وعدم الاقتران بها ،ومن اقترن بها فهو يتعاطى شراً لابد منه.
ويقول (كدائى سوستام- من أكبر أولياء الديانه المسيحية) فى المرأة:"هى شر لابد منه،ووسوسة جبلية،وآفة مرغوب فيها،وخطر على الاسرة والبيت،ومحبوبة فتاكة، ورزء مطلى مموه"

* أما المرأة فى الاسلااااااااااااااااااااااااااااااااام تعالوا نشوف حالها ايه؟؟!!
المرأة فى الاسلام مكرمة ومعززة ومرفوع قدرها ومقامها ..بين الاسلام حقوقها وواجبتها..ما ذكر الله عز وجل من مكرمة الا وكانت المرأة فيها مع الرجال سواء بسواء ولم يذكر الله عز وجل صفه صالحه فى الرجال الا وذكر مثلها فى النساء..المساوة بين الرجل والمرأة فى العمل والاجر والثواب.
سميت سورة باسم(النساء)،وأخرى باسم (مريم) لتكريمها وتقديرها وبيان حقوقها وواجباتها.
ما ورد على لسان خير خلق الله عليه الصلاة والسلام من احاديث تحث الرجال على تكريم المرأة وحسن معاملتها ومنها فى خطبة الوداع (استوصوا بالنساء خيراً).

كلمات أهمس بها فى اذن كل واحده عايزة تتحرر
-رفقا بالقوارير فى اعتقادك القارورة دى مكانها بيكون فين..وهتحافظى عليها ازاى؟
-لو عندك جوهرة ثمينه هتعملى بيها ايه؟؟ياترى هتعرضيها امام كل الناس عشان يطمعوا فيها ولا هتخبيها عن أعين البشر ؟؟
-ايه رأيك فى قطعة حلوى عليها الذباب..ياترى هتاكليها ولا هترميها فى الزبالة؟؟
-اسألى نفسك ليه عايزين يحرروكى؟؟وهو ده التكريم ليكى بإمتهانك ؟؟ وإذا ده كان رأيهم فى المرأة عايزين يحرروها ليه؟؟

أنا بجد مشفقة عليكى لانك مستهدفة لاشاعة الفساد فى ذاتك ولانسياقك وراء حثالة البشر ورفضك انك تكونى مكرمة ومرفوعة القدر بانك مسلمة وهم عايزينك مسلمة بلا اسلام.

والشاهد منكم وفيكم وكفايه بقى كده لان جالى حموضة من الموضوع ومحتاجه اخد فوار يهدى الاعصاب