بسم الله الرحمن الرحيم
الحمد لله رب العالمين والصلاة والسلام على اشرف خلق الله سيدنا محمد عليه الصلاة والسلام
أما بعد:
فى البداية انا مش عارفه انا عملت المدونة ليه ؟؟!!
رغم انى عملتها اكتر من مرة والغيها ..حاسة انى بعمل مصيبة (اه والله)
بس قررت اعملها اتكلم فيها واكتب اللى انا عايزاه واعبر عن رأيى بكل صراحة ووضوح وبدون خوف .
.واقول اللى فى نفسى بدون مقص رقابة يقص اى كلمة اكتبها ، وأشغل وقتى على النت بشئ لان الفراغ مدينى شعور انى خلاص اتجننت والاسلاك لمست وفيوزى ضربت والبرج اللى لسه فاضل قرب يطير
والسبب طبعا
عقلانية الزمن اللى احنا فيه..والاحوال الجميلة اللى عايشنها (هييييييييييه الحمد لله على كل حال)
ومن كتر العقل والعقلانية والهدوء والسكينه اللى في الزمن اللى احنا عايشينه قلت لا لازم اكون وتر فى مثلث متساوى الاضلاع -حلوة وتر دى ههههههه - فمقدرتش استحمل وقلت اتجنن واجننكم معايا بالمرة وكله طبعا بثوابه وهنيالك يا فاعل الخير وكلنا لها وما دايم الا وجه الله .
واللى عايز يسمعنى ويقرأ لى اهلا به فى مجنونة فى زمن عاقل .
ومن المؤكد فى أراء هتتفق معايا وفى أراء هتختلف معايا..وانا هنا هقبل اى رأى بكل ود وبصدر رحب..
يلاااااااااااا بقى ..كفاية جنون لحد كده و مطولش عليكم
ونتقابل مع اول صرخة مجنونة
6 التعليقات:
مش عارف ليه اخترتى الجنان رغم إنك عاقلةجدا
يعنى إحنا ناقصين جنان كفاية علينا العيال وابقى افتكرى الهمزات
صورتك جميلة قوى إنت جايباها منين
ماأكثر الأحلام فى زمن واقعه أليم
الواح مش ملاحق ع الهم من البيت ولا النت كلكم زى بعض تموتوا فى الهم والاحزان
اولا:
انا بشكر كل شخص علق على المدونة وجزاه الله كل خير ويارب كل موضوع اكتبه يحسب ليا مش عليا
ثانيا:
ياريت اى حد يترك تعليق بغير معروف يوقع يقول هو مين عشان يكون عندى فكرة بالشخصيه صاحبة التعليق .
مش عارف ليه اخترتى الجنان رغم إنك عاقلةجدا
معلش بنحاول نغير المود ونعمل نيو لوك عشان الملل والخنقة بس اكيد انت انسان قريب منى وتعرفنى واسعدنى تشريفك مدونتى ودمت بكل ود.
يعنى إحنا ناقصين جنان كفاية علينا العيال وابقى افتكرى الهمزات
ياللى احنا مش ناقصين جنان العيال دول نعمة من ربنا ميعرفش قيمتهم الا اللى معندوش عيال وبعدين كل الاطفال دلوقتى اشقيا ومتعبين ربنا يهدى الجميع
اما بالنسبه للهمزات همزات ايه يا مان او ياست؟؟
صورتك جميلة قوى إنت جايباها منين
ربنا يكرمك ويعزك انتى اللى أجمل ..جيباها من النت طبعا ربنا يخليلنا جوجل والنت كله ..سعدت بمرورك.
ماأكثر الأحلام فى زمن واقعه أليم
الواح مش ملاحق ع الهم من البيت ولا النت كلكم زى بعض تموتوا فى الهم والاحزان
اقلع النضارة السودا يا سيدى
لو بطلنا نحلم نموت..حتى لو مقدرناش نحقق كل اللى بنحلم به فده مش معناه نهاية الكون ولا لازم نرضخ للواقع الاليم ونعيش ايامه التعيسه بدون احلام نحاول تحقيقها ونغير من الواقع الحزين ده بواقع احلى .دى دعوة للتفاؤل مش للهم والاحزان.
وياريت بلاش تخلط الاوراق وتهيل عليها التراب..(ال كلنا ال).
إرسال تعليق